Տարբերվող նվերներ Հռոդոսից

Հռոդոսը Էգեյան ծովի խոշորագույն կղզիներից է, որը նաև անվանում են Միջերկրականի մարգարիտ:
Առասպելի համաձայն՝ արևի աստված Հելիոսն այնքան է հավանել կղզին, որ 300 արևային օր է նվիրել:

Քանի որ ամառն առջևում է և մենք լավատես ենք, ուստի՝ համոզված ենք, որ Դուք անպայման հնարավորություն կունենաք վայելելու ամառային ջերմ հանգիստը Հռոդոսում և անձամբ ծանոթանալու կղզու ողջ գեղեցկությանն ու հմայքին:

Իսկ ի՞նչ է մնում հանգիստից հետո: Դե իհարկե, լավագույն հիշողություններն ու տպավորությունները, որոնք պահպանելու և մեր մտերիմների հետ կիսելու համար բերում ենք որևէ հուշ տվյալ երկրից:

Ստանդարտ հուշանվերներից բացի Հռոդոսում կարող եք ձեռք բերել առավել արժեքավոր և հիշվող նվերներ, ինչպես օրինակ
ԿԵՐԱՄԻԿԱԿԱՆ ԻՐԵՐ. Լինդոսից կարող եք գնել ժամանակակակից վարպետների կողմից պատրաստված ամենաորակյալ կերամիկական իրերը:

ԿՈՍՄԵՏԻԿ ՄԻՋՈՑՆԵՐ.  “Olive Way” բրենդային կոսմետիկան արտադրվում է կղզում և համարվում է լավագույններից մեկը: Հռոդոսում շատ տարածված են նաև բնական օճառները:

ԶԱՐԴԵՐ. Հռոդոսի ոսկերչական խանութներից կարող եք գնել հունական վարպետների ձեռքով պատրաստված արծաթյա, ոսկյա և թանկարժեք քարերով զարդեր:

ՄՈՐԹԵ ԻՐԵՐ. հաճախ զբոսաշրջիկներն ընտրում են Հռոդոս կղզին հունական մորթի գնելու նպատակով:

Դե ինչ, բան չմնաց, ամռանը միասին կմեկնենք հունական հանգստի...