laoder img

ՄՈՆՏԵՆԵԳՐՈ` դրախտավայր բնության սիրահարների համար

Մոնտենեգրո` Ադրիատիկ ծովի ողջ հմայքը, անկրկնելի բնությունը, միջնադարյան քաղաքների խաղաղ կենսակերպը և գեղեցիկ մայրամուտները մեկ վայրում:

ՄՈՆՏԵՆԵԳՐՈ

Մոնտենեգրոն նորաստեղծ պետություն է Եվրոպայի հարավ-արևելքում` Բալկանյան թերակղզում:  Մայրաքաղաքը և խոշորագույն քաղաքն Պոդգորիցան է: Հյուսիսից սահմնակից է Սերբիային և Բոսնիա և Հերցեգովինային, արևելքից` Ալբանիային և Կոսովոյին, իսկ արևմուտքից` Խորվաթիային և Ադրիատիկ ծովին: Մոնտենեգրոն նորաստեղծ պետություն է Եվրոպայի հարավ-արևելքում` Բալկանյան թերակղզում: Ափերը ողողվում են Ադրիատիկ ծովի ջրերով: 

Կլիմա` Կլիման չափավոր ցամաքային է, ափամերձ գոտում` միջերկրածովյան: 
Մակերես ՝ 13.812 կմ²
Բնակչությունը ՝ 620 000
Սահմանների երկարությունը `614 կմ
Մայրաքաղաք ՝ Պոդգորիցա (186 000 բնակիչ) - վարչական և տնտեսական կենտրոն
Թագավորական մայրաքաղաք` Cetinje (Ցետինե)- պատմամշակութային կենտրոն
Արժույթ ՝ եվրո
Ծովի ափի երկարությունը ՝ 293 կմ
Լողափերի քանակը ՝ 117
Լողափերի երկարությունը ՝ 52 կմ
Ամենաերկար լողափ. Velika plaža (Ulcinj) - 13 կմ
Ամենամեծ լիճը ՝ Սկադար լիճ (391 մ²)
Ազգային պարկեր ՝ Դուրմիտոր, Բիոգրադսկա գորա, Սկադարսկո ժեզերո, Լովչեն, Պրոկլետյե
Ամենամեծ ծոցը ՝ Կոտորի ծոցը
Օդի միջին ջերմաստիճանը ՝ 27,4 ºC (ամառ)
Ծովի առավելագույն ջերմաստիճանը ՝ 27,1. C
Տարվա ընթացքում արևոտ օրերի միջին քանակը ՝ 240
Լողi սեզոն ՝ 180 օր
Ծով ՝ մուգ կապույտ
Ժամային գոտի ՝ GTM +1

 

 

Հանգստավայրերը

ՏԻՎԱՏ, ԿՈՏՈՐ, ԲՈՒԴՎԱ, ԲԵՉԻՉԻ, ՊԵՏՐՈՎԱՑ, .......Մոնտենեգրոյում են գտնվում Ադրիատիկի ամենագեղեցիկ անկյունները հարուստ բնությամբ և միջնադարյան պատմությամբ:

ԲՈՒԴՎԱ

Բուդվան գտնվում է երկրի արևմտյան ափամերձ շրջանում՝ Ադրիատիկ ծովի ափին։  Բուդվան հաճախ անվանում են Չեռնոգորիայի զբոսաշրջային մայրաքաղաք։ Օտարերկրացիներին Բուդվայում հրապուրում են բազմաթիվ առողջարանները, ինչպես նաև բազմաթիվ պատմական վայրեր։ Առավել քան 2,5 հազար տարվա պատմություն ունեցող այս քաղաքը, որն անվանում են նաև փոքրիկ Իտալիա, Միջերկրականի ամենագրավիչ և հայտնի քաղաքն է: Բուդվան Չեռնոգորիայի ամենամեծ զբոսաշրջային կենտրոնն է։ Այն հայտնի է իր ավազե լողափներով, գիշերային կյանքով և յուրօրինակ միջերկրածովային ճարտարապետությամբ։ 

ՊՈԴԳՈՐԻՑԱ

Պոդգորիցա Չեռնոգորիայի մայրաքաղաքն է նաև երկրի ամենամեծ քաղաքը։ Զբոսաշրջիկներին գրավում են հատկապես մայրաքաղաքի հին ու նոր շենքերը, փողոցների նրբաճաշակ ռեստորանները, ակտիվ գիշերային կյանքը ինչպես նաև ծովափնյա հանգիստը:

ԿՈՏՈՐ

ԿՈՏՈՐ քաղաքը համարվում է Մոնտենեգրոյի կարևորագույն առևտրային և տուրիստական կենտրոններից մեկը: Եղանակային հիասքանչ պայմանները թույլ են տալիս զբոսաշրջիկներին այցելել այստեղ տարվա ցանկացած եղանակի: Հին քաղաքը պահպանել է իր միջնադարյան տեսքը, որի շնորհիվ այն ընդգրկված է ՅՈՒՆԵՍԿՕ-ի Համաշխարհային ժառանգության ցանկում: Կոտորը զբոսաշրջիկներին գրավում է իր ծովածոցի գեղատեսիլ տեսարաններով և հին քաղաքի խորհրդավոր փողոցներով: Ամռանը այստեղ տեղի է ունենում «Բոկելյան Գիշեր» դիմակահանդեսը, ուր այցելում են ավելի քան 30 000 զբոսաշրջիկներ:

 ՀԵՐՑԵԳ ՆՈՎԻ

Հերցեգ Նովի ծովափնյա քաղաք Չեռնոգորիայում: Այս քաղաքը հայտնի է իր ծաղիկների և էկզոտիկ բույսերի բազմազանությամբ:

ՏԻՎԱՏ

Տիվատ - ժամանակակից առողջարանային քաղաք Չեռնոգորիայում: Քաղաքի մեղմ կլիման, գեղեցիկ ու հարմարավետ լողափերը, ամեն տարի ներգրավում են ավելի ու ավելի մեծ թվով զբոսաշրջիկներ:

ՈՒԼՑԻՆ

Ուլցին ծովափնյա քաղաք Չեռնոգորիայում: Այն հայտնի է իր գեղեցիկ ավազոտ լողափերով: Քաղաքի ամենահայտնի վայրերից է՝ ստրուկների հրապարակը, որն օգտագործել են ծովահենները որպես ստրուկների վաճառքի վայր:

ՊԵՏՐՈՎԱՑ

Պետրովաց փոքր քաղաք Չեռնոգորիայում: Չնայած այն հանգամանքին, որ Պետրովացը այնքան էլ մեծ չէ այն գրավիչ վայր է հանդիսանում նրանց համար, ովքեր նախընտրում են ծովափնյա խաղաղ հանգիստ: